Bag-o nga opisina sang Provincial Administration Center sang Negros Occidental, sarang na nga masayluhan

Ginalantaw sang gobernador sang probinsya sang Negros Occidental nga mahimo na nga masayluhan sang mga opisina sang Provincial Government sang Negros Occidental ang bag-o nga Provincial Administration Center.

Suno kay Negros Occidental Governor Eugenio Jose “Bong” Lacson halos nahuman naman ang building structure apang ang interior ukon ang sa sulod sang building ang ginatapos pa.

Ang masunod naman amo ang pagbutang sang mga furnitures sa nasambit nga building.

Ang budget agud nga mapatindog ang nasambit nga building kag mga furnitures ang nagdangat sa kapin P1 billion.

Tinutuyo naman sang gobernador nga ipabilin ang opisina sini sa Capitol.