Tutukan sang bag-o nga pinuno sang Bacolod City Legal Enforcement Team ang paghawan sang mga obstruction sa sidewalk sang tatlo ka mayor nga merkado sa Bacolod.
Si Retired Police Lt. Col. Levy Pangue ang ginrekomendar mismo ni Atty Karol Joseph Chiu sang ini ang gin-appoint bilang Bacolod City Legal Officer.
Sa interview sang Bombo Radyo Bacolod kay Pangue, ginakalipay sini nga matapos magretiro, siya ang liwat nga makaserbe sa ciudad.
Tutukan sini ang paghawan sa mga sidewalk sang Burgos Public Market, Libertad Public Market kag Bacolod Central Market.
Ini matapos matalupangdan sang Bacolod City Legal Enforcement Team sang liwat nga pagduging sang mga illegal structures sa palibot sang tatlo ka merkado kalakip na sa downtown area.
Paathag ni Pangue nga padayun ang pagpatuman sang road clearing operation.
