Ginpangunahan sang alkalde sa ciudad sang Talisay, Negros Occidental ang turn-over sang police patrols kag pila ka mga firearms sa Talisay City Police Station.
Sa interview sang Bombo Radyo Bacolod kay Talisay City Mayor Niel Lizares, ang pagturn-over sang brand new nga Hilux patrol vehicle kag brand new Toyota Innova para sa Talisay SWAT Team sang Talisay City Police Station nga ginapamunuan ni Police Lt Col Salvador Trono ang madugay na nga plano sang Talisay City government.
Suno kay Lizares, ang nasambit nga pagturn-over sang police patrols kag mga firearms nga Tavor rifle, Galil rifle kag marksman rifle ang may tinutuyo nga mapasanyog ang firepower, mobility kag kapasidad sa pagresponde.
Suno sa alkalde indi lang ini ang una nga paghatag sang suporta sa mga kapulisan sa ciudad bangud humalin pa sang 2016 ang alkalde ang nagahatag na sang suporta.
Isa sa pamatuod nga nagasanyo ang respond capability sang mga kapulisan sa ciudad sang Talisay amo ang gilayon nga pagdakop sang nagtiro sa duha ka Chinese nationals sa Barangay Bubog sa nasambit nga ciudad kun sa diin isa ang patay kag isa ang pilason.
Samtang ginpanginbulahan man sini ang Talisay City Police Station sa pagdakop sa Top 7 Most Wanted Person Provincial Level kag Top 3 City Level sang tinalikdan nga inadlaw.
