Opisyal na nga nagpungko bilang bag-o nga prime minister sang Britanya si Keir Starmer kadungan sang landslide nga pagdaog sang center-left opposition Labour party sa general elections kag gintapos ang 14 ka tuig nga pagpamuno sang right-wing Conservative.
Suno kay outgoing Prime Minister Rishi Sunak, ang Labour Party ang nagdaog sa general election kag nagtawag ini kay Keir Starmer agud icongratulate ini sa iya kadalag-an.
Gin-ako man sini nga siya ang responsable sa ila pagkalutos.
Sa isa ka victory party rally sa central London, ginhambalan ni Starmer, 61-anyos, ang mga nagacheer nga mga aktibista nga magasugod na sa karun ang pagbag-o kag nagpromisa sang isa ka dekada sang national renewal kag pag-una sang ikaayo sang pungsod kag indi sang partido.
