Nagpalab-ot sang pagpasalamat ang gobernador sa Negros Occidental sa mga ginrelieve nga nagpungko bilang Provincial Director sa Negros Occidental Police Provincial Office (NOCPPO) kasubong man sa Commission on Election (COMELEC) – Negros Occidental.
Madumduman nga ginpatigayon sang Lunes ang turn over of command sa bag-o nga NOCPPO Director nga si P/Col. Leo Pamitan bulos kay P/Col Romy Palgue.
Si Pamitan ang nagpatigayon naman sang courtesy call kahapon sang hapon kay Governor Eugenio Jose “Bong” Lacson.
Suno kay Governor Lacson, impressive ang nangin performance ni Palgue sang ini ang nagpungko bilang NOCPPO Director.
Kun sa diin sa idalum sang iya liderato ang NOCPPO ang nakaangkon sang duha ka award kalakip na ang Best Provincial Police Office sa bilog nga Western Visayas.
Pangabay naman sini ang kaayuhan sa panibag-o nga assignment ni Palgue nga kabahin sang iya nga career build up.
Sa pihak nga bahin, nagalaom naman si Lacson nga malab-ot man ni Pamitan ang ekspektasyon kag mahatag ang nagakaigo nga serbisyo para sa mga Negrosanon.
Dugang pa sang gobernador nga nagasalig man ini nga sa pagpamuno ni Pamitan mapabilin ang kalinong kag katawhayag ilabi na karun nga tiyempo eleksyon.
