Ginakabig sang director sang Emergency Operations Center nga irrelevant na ang nadetect nga pinakauna nga kaso sang B.1.1.318, ang panibag-o nga variant sa Pilipinas bangud Marso pa nakapauli ang pasyente kag pag-abot sa Bacolod, recovered na ini.
Madumduman nga ang lalaki ang natukiban nga pumuluyo sang syudad kag OFW gikan sa United Arab Emirates (UAE).
Suno kay Em Legaspi Ang, ila natukiban nga nakabalik na ang pasyente sa UAE bangod sang Marso pa ini nag-abot sa Bacolod.
Ang impormasyon ang nabatun sang EOC kahapon alas-9:00 sang aga, gani gilayon man sila nga nagpatigayon sang contact tracing bisan pa madugay na nga nag-ayo ang pasyente.
Ang B.1.1.318 variant ang nahibaluan mutation gikan sa Beta kag Delta variant.
Suno kay Ang, nag-ayo na ang pasyente pag-abot sa ciudad bangud didto siya gin-isolate sa Manila kag didto man gintest kag nagpositibo.
Apang santo sa protocol, ginkuha lang nila gihapon ang impormasyon sang pamilya kag himata sini.
Suno diri, kun may miyembro gid man sang pamilya nga nagpositibo, indi man ini nagikan sa OFW bangud recovered na sya pag-abot sa Bacolod.
Gindugang man sini nga under monitoring sa gihapon ang variant kag mangin ang mga medical experts ang nagapangita pa sang impormasyon tuhoy diri.
