Ginalantaw sang miyembro sang Sangguniang Panlungsod sa ciudad sang Bacolod nga mangin solusyon sa problema sa supply sang tubig ang bag-o nga water concessionaire nga natalana nga magasulod sa ciudad.
Sa interview sang Bombo Radyo Bacolod kay Councilor Kalaw Puentevella, chairman sang Committee on Health and Sanitation, Energy and Public Utilities sa Sangguniang Panlungsod, nga madamo na sang committee hearing ang ginpatawag sa BACIWA-Prime Water agud nga ipadangat ang nasambit nga problema sa tubig apang wala man sagihapon nahatagan sang solusyon ang problema sa tubig.
Suno kay Puentevella, nahimo na nila ang tanan agud nga iduso ang water district nga maghatag sang maayo nga serbisyo sa mga konsumidor sini sa ciudad sang Bacolod apang wala man sang nagbag-o.
Suno diri, may yara na sang approval ang alkalde nga mahimo na ang ciudad makaentertain sang iban nga water concessionaire agud nga makakuha sang maayo nga option kag masolusyunan ang nagalala na nga problema sa tubig sa ciudad sang Bacolod.
Suno kay Puentevella ang isa sa ginalantaw nga magasulod ang Maynilad.
