Bago City Hospital, nalab-ot man sang baha kaina sang aga; pila ka serbisyo, apektado

Nalab-ot man sang baha ang Bago City Hospital kaina sang aga.

Bangud sini, nagdesisyon ang pamunuan sang ospital nga temporaryo anay nga siraduhon ang admission sang mga pasyente, subong man ang Out Patient Department, consultation kag ginpaiway man ang pagbaton sang emergency cases, X-RAY kag laboratory.

Bago City Hospital photo

Nalab-ot sang baha ang first floor sang Bago City Hospital bangud halin pa kagab-i ang inulan dala sang Hanging Habagat nga ginpabaskog sang Bagyo Goring.