May tatlo na ka person of interest ang Bago City Police Station sa nagluthang-patay sa dismissed nga pulis sa Purok Michelle, Barangay Dulao, Bago City, Negros Occidental sang Pebrero 27.
Madumduman nga ginbawian sang kabuhi si Renaldo Bernel, residente sang Barangay Pacol, Bago City, matapos ginpaarakan sang luthang sang ginabanta lima ka persona samtang padulong sa iya ginamanage nga manokan.
Sa interview sang Bombo Radyo Bacolod kay Police Capt Emman Anacleto, Deputy Chief of Police sang Bago City Police Station, may tatlo ka person of interest sila nga ginalantaw nga nagpatay kay Bernel samtang padayon ang ila koordinasyon sa mga witnesses agud makumprimar ang mga identity.
Suno diri, padayon pa man ang imbestigasyon sa motibo sa pagpatay apang ginalantaw diri amo ang may kaangtanan sa trabaho sini sadto bilang pulis ukon old grudges.
