Ginpanginwala sang Bago City Veterinary Office nga nagikan sa ila ang African Swine Fever matapos magpostibo sa ASF ang duha ka baboy sa Barangay Taculing, Bacolod City nga ginkuha gikan sa siyudad sang Bago.
Sa interview sang Bombo Radyo kay Bago City Veterinarian Dr Martin Torres, humalin pa sang nakaligad nga tuig nagakuha na ini sang blood sample sang mga baboy bilang kabahin sang requirements sang Regional Department of Agriculture kag sa karun wala pa man sang trace sang ASF sa siyudad.
Pahayag ni Torres, ang ginatudlo sang Sangguniang Kabataan sang Barangay Taculing nga nagikan sa Bago ang ASF indi pa mapamatud-an bangod nga may yara sang certificate nga ASF free ang ginkuhaan nga commercial farm kag ang certificate ang maga-expire pa sa Hunyo 12.
Suno kay Torres, wala sang ASF ang mga baboy nga naggikan sa Bago kag posible nga sang ini ginabyahe amo kag na-infect ang mga ini sang nasambit nga sakit.
Samtang, suno kay Torres alarming nga may yara sang ASF nga kaso sa Bacolod, ilabi na nga malapit lang ang Bago diri kag apisar sa hugot nga bantay sa mga boundary madamo sa gihapon sang iban nga routa nga makasulod sa duha ka siyudad.
Mensahe sini sa mga pumuluyo sang Bago City nga magulualigmat kay delikado ang ASF kasubong man ang hog cholera nga makahalit sa hog induistry.Samtang, suno naman kay Bacolod City Legal Officer Atty Romeo Carlos Ting JR., nagpadulong na sa Brgy Taculing si Dr May De La Torre sang Bacolod City Veterinarian, agud tsekyaron ang 500 meters nga area gikan sa lugar nga ginbutangan sang baboy, kag wala naman sang may nakita pa nga iban nga mga baboy sa area.
Suno kay Ting, dapat nga sundon ang mando sang Bureau of Animal Industry nga Barangay Isolation.
Magakoordinar man ini sa siyudad kag probinsya agud ma monitor ang ASF.
Sa karun padayon pa nga gina-imbestigahan kun ang baboy nga naggikan sa Bago ami nga diri na-infect sa Bacolod ukon ini may yara na sang sakit humalin pa sa Bago City.
