Nagresign si Baguio City Mayor Benjamin Magalong bilang adviser sang Independent Commission for Infrastructure.
Antes ini, ginmanduan ni President Ferdinand Marcos Jr. ang isa ka legal team agud tun-an kun may yara sang conflict of interest kag bayolasyon sa 1987 Constitution sa iya tikang nga pag-appoint kay Magalong bilang special adviser sang ICI, nga amu ang naga-imbestigar sang mga anomaliya sa flood control kag iban pa nga infrastructure projects.
Sa resignation letter nga ginpadala ni Magalong sa Presidente, ginpahayag sini nga ang pronouncements sang Malacañang natuhoy sa iya designation, nga suli sa terms sang iya appointment ang nagpahuyang sang role kag mandato nga ginsalig sa iya.
Dugang pa sini nga ang mga hitabo nga nakatuga na sang pagpangduha-duha sa independence sang ICI, ang nagpaathag nga indi na kinahanglanon ang iya serbisyo.
Suno kay Magalong, wala sini ginpabay-an ang iya primary responsibility bilang alkalde sang Baguio kag indi ang iya padayunon.
Nahibaluan nga si Magalong ang gin-akusahan sang posible nga pagbayolar sang pila ka layi nga nagadumili sa mga opisyales sang gobyerno sa pag-occupy sang duha ka mga capacities at a time.
