Nakasulod na ang Tropical Storm “Josie” nga may international name nga Haishen sa Philippine Area of Responsibility (PAR) kaina sang alas-12:30 sang kaagahon.
Ini ang uilihi nasiplatan sa 1,095 km nasidlangan sang Eastern Visayas nga may kabaskugon sang hangin nga nagadangat sa 65 km/h kag pagmadlos nga tubtob 80 km/h.
Ini ang nagahulag sa kadasigon nga 25 km/h padulong sa Northwestward nga direksyon.
Ang bagyo ang nagahulag northward nga direksyon tubtob bwas, Hulyo 15 antes magbalik sa northeastward sa tubtob sa nabilin nga forecast period.
Lauman nga magwa si Bagyong Josie sa PAR karon sa gab-i ukon bwas sa aga kag ini ang magahuyang sa Tropical depression sa masunod nga 12 ka oras kag mas maghina pa gid sa low pressure area bwas sa aga.
Samtang, padayon naman nga maeksperyensyahan ang epekto sang Southwest Monsoon ukon habagat sa western section sang Northern Luzon.
Lauman ang lapta-lapta nga pag-ulan sa Ilocos Norte, Ilocos Sur, kag La Union dala sang habagat samtang maeksperyensyahan ang tumalagsahon nga pag-ulan sa Metro Manila kag nabilin nga bahin sang pungsod tuga sang localized thunderstorms.
Lauman ang makanay tubtob mabaskog nga hangin kag kasarangan tubtob mabalod nga baybayon sa northern kag western section sang Luzon.
