Nagtuga sang pagbaha kag pagka-delay sang byahe sa nagkalain-lain nga bahin sang pungsod ang madamol nga pag-ulan dala sang low pressure area (LPA) nga sa ulihi nangin Tropical Depression LUIS, antes pa man ini nakasulod sa Philippine Area of Responsibility (PAR).
Sa General Santos City, isa ka lalaki ang nakuhaan sang video samtang nagatabok sa tubig baha sang Maca River matapos ma-stranded bangud sa pag-awas sang suba.
Sa Negros Oriental, lapit na maanod sang mabaskog nga daludo sang tubig ang isa ka bata kag pila ka mga residente samtang nagatabok sa Kabanlutan River.
Naekperyensyahan man sa iban nga mga lugar ang pagbaha kag paglapaw sang tubig sa mga spillway partikular na sa Metro Manila kag ciudad sang Taguig, samtang naglab-ot man ang epekto sang pag-ulan sa Isabela.
Temporaryo naman nga ginsuspender sang Philippine Coast Guard ang byahe sa Catanduanes kag Northern Quezon bangud sa malain nga panahon.
Masobra 600 ka mga pasahero ang na-stranded sa mga pantalan sa Albay kag Quezon.
Santo sa PAGASA, padayon man nga pabaskugon sang Tropical Depression Luis ang southwest monsoon ukon habagat, nga magadala sang kasarangan tubtob mabaskog nga mga pag-ulan sa pila ka bahin sa Luzon.
