Alas-2:00 kaina sang kaagahon, nakasulod na sa Philippine Area of Responsibility ang anay namonitor nga Tropical Depression kag ini ang nagsanyog na sa Tropical Storm.
Ang Bagyo nga anay may International name nga Yinxing ang ginhatagan sang domestic name nga Tropical Storm “MARCE”.
Ang bagyo ang ulihi nga nasiplatan 975 km East sang Visayas.
Dala sini ang kabaskugon sang hangin nga nagadangat sa 65 km/h kag pagmadlos nga tubtob 80 km/h.
Samtang ini ang nagahulag naman padulong sa West Northwestward nga dereksyon sa kadasigon nga 25 km/h.
Apisar sa pagsulod sang bagyo, lauman gihapon ang makanay nga panahon sa Batanes kag Babuyan Islands nga may tumalagsahon lamang nga mga pag-ulan tuga sang Northeasterly Windflow ukon hangin nga nagahuyop gikan sa naaminhan-nasidlangan.
Makanay man ang panahon sa Eastern Visayas, Bicol Region, Aurora, Quezon, kag nabilin nga bahin sang Cagayan Valley magluwas sa mga isolated rainshowers or thunderstorms dala sang Trough ukon ikog sang Tropical Storm Marce.
Samtang magapabilin ang mainit nga panahon sa nabilin nga bahin sang pungsod magluwas sa gulpyada kag makadali nga pag-ulan tuga sang Localized Thunderstorms.
