Alas-8:00 kagab-i, nakasulod na sa Philippine Area of Responsibility ang Severe Tropical Storm PEPITO.
Ang sentro sang bagyo ang ulihi nga nasiplatan 830 km East sang Eastern Visayas.
Dala sini ang kabaskugon sang hangin nga nagadangat sa 110 km/h kag pagmadlos nga tubtob 135 km/h samtang nagahulag sa nakatungdan nga dereksyon sa kadasigon nga 25 km/h.
Ginalantaw nga malandfall ang Bagyo PEPITO sa eastern coast sang Southern Luzon sa Sabado ukon sa Domingo.
Samtang naghuyang naman kag karun nagbalik na sa Typhoon category ang Bagyo OFEL samtang yara sa Luzon Strait.
Ang sentro sang Typhoon OFEL ang ulihi nga nasiplatan 100 km Northwest sang Calayan, Cagayan.
Ini ang nagadala sang hangin nga may kabaskugon nga nagadangat sa 120 km/h kag pagmadlos nga tubtob 150 km/h samtang nagahulag sa North Northwestward nga dereksyon sa kadasigon nga 20 km/h.
Napaidalom gihapon sa Tropical Cyclone Wind Signal no. 3 ang western portion sang Babuyan Island, northwesternmost portion sang mainland Cagayan, kag northernmost portion sang Ilocos Norte.
Signal No. 2 sa nabilin nga bahin sang Babuyan Island, northwestern portion sang mainland Cagayan, northern portion sang Apaya, kag northern portion sang Ilocos Norte.
Samtang Signal No. 1 naman sa Batanes, nabilin nga bahin sang Cagayan, northern portion sang Isabela, nabilin nga bahin sang Apayao, Kalinga, northern kag central portions sang Abra, nabilin nga bahin sang Ilocos Norte, kag northern portion sang Ilocos Sur.
Ang Typhoon OFEL ang ginalantaw nga padayun nga magahulag sa north northwestward nga dereksyon kag maggwa sa northwestern boundary sang Philippine Area of Responsibility karun sa hapon.
Sa gwa sang PAR, ini ang ginalantaw nga magahulag sa naaminhan nga dereksyon samtang yara sa kadagatan sa nakatungdan sang Batanes bwas sa aga.
Ang Bagyo OFEL ang ginalantaw nga liwat magasulod sa PAR region samtang nagahusoy sa northeastward nga dereksyon padulong na sa Southern Taiwan.
Apisar nga makagwa na sa PAR, ginalantaw nga mapabilin gihapon ang Tropical Cyclone Wind Signals partikular na sa bahin sang Extreme Northern Luzon.
