Mas nagsanyog pa ang Typhoon UWAN samtang ini ang yara sa kadagatan sa nasidlangan sang Eastern Visayas, kun sa diin nalakip na ang pila ka bahin sang Negros Occidental sa ginpaidalom sa Tropical Cyclone Wind Signal No 1.
Ang Typhoon UWAN ang nagsulod sa Philippine Area of Responsibility alas-10:00 kagab-i.
Ang sentro sang Bagyo ang ulihi nga nasiplatan sa 985 km sa nasidlangan sang Eastern Visayas.
Dala sini ang kabaskugon sang hangin nga nagadangat sa 130 km/h kag pagmadlos nga tubtob 160 km/h.
Ang Bagyo ang nagahulag padulong sa West Northwestward nga dereksyon sa kadasigon nga 25 km/h.
May pila na ka lugar nga ginpaidalom sa Tropical Cyclone Wind Signals:
SIGNAL NO. 2
Luzon
-Catanduanes
Visayas
-Eastern kag central portions sang Northern Samar
-Northeastern portion sang Samar, kag
-Northern portion sang Eastern Samar
SIGNAL NO. 1
Luzon
-Cagayan kalakip ang Babuyan Islands
-Isabela
-Quirino
-Nueva Vizcaya
-Apayao
-Abra
-Kalinga
-Mountain Province
-Ifugao
-Benguet
-Ilocos Norte
-Ilocos Sur
-La Union
-Pangasinan
-Aurora
-Nueva Ecija
-Bulacan
-Tarlac
-Pampanga
-Zambales
-Bataan
-Metro Manila
-Cavite
-Laguna
-Batangas
-Rizal
-Quezon kalakip ang Polillo Islands
-Camarines Norte
-Camarines Sur
-Albay
-Sorsogon
-Masbate kalakip ang Ticao Island kag Burias Islands
-Marinduque
-Romblon
-Oriental Mindoro, kag
-Occidental Mindoro kalakip ang Lubang Islands kag Calamian Islands
Visayas
–Bacolod City
–Northern portion sang Negros Occidental (Escalante City, Toboso, Sagay City, Cadiz City, Calatrava, Manapla, Victorias City, EB Magalona, Silay City, Talisay City, San Carlos City, Salvador Benedicto, kag Murcia)
-Nabilin nga bahin sang Northern Samar
-Nabilin nga bahin sang Samar
-Nabilin nga bahin sang Eastern Samar
-Biliran
-Leyte
-Southern Leyte
-Northeastern portion sang Bohol
-Northern kag central portions sang Cebu kalakip ang Bantayan kag Camotes Islands
-Northern kag central portions sang Iloilo
-Capiz
-Aklan, kag
-Northern kag central portions sang Antique kalakip ang Caluya Islands
Mindanao
-Dinagat Islands, kag
-Surigao del Norte
Sa track forecast, ginalantaw nga magapadayun sa paghulag sa west northwestward nga dereksyon ang Bagyo UWAN tubtob sa Lunes, antes ini magliko sa north northwestward sa Martes.
Ini ang ginalantaw nga magalandfall sa nabagatnan nga bahin sang Isabela ukon sa naaminhan nga bahin sang Aurora bwas sa kagab-ihon ukon sa Lunes sa kaagahon.
Ini ang magatabok naman sa nabukid nga mga bahin sang Northern Luzon kag magalapos sa West Philippine Sea sa Lunes sang aga ukon sa hapon.
Ginalauman man ang madasig nga pagbaskog sang Bagyo UWAN kag ginalantaw nga ini ang magadangat sa Super Typhoon category karun sa gab-i ukon bwas sa aga, kag ginalantaw nga magalandfall sa iya nga peak intensity.
Apang sa pagtabok sa kadutaan, malauman man nga ini ang magahuyang balik sa Typhoon category.
