Nagdangat sa P11.55 million sa humayan kag kapin P4.2 million naman sa fishpond ang nangin halit sang pagbaha sa Northern Negros kadungan sa pagsugata sa Bag-ong Tuig.
Sa interview sang Bombo Radyo Bacolod kay Office of the Provincial Agriculturist head Atty. Japhet Masculino, ginpahayag sini nga initial report palang ang iya nauyatan nagikan sa mga local government units (LGUs) nga apektado.
Suno kay Masculino, P4.1 million ang nangin halit sa fish pond sa EB Magalona matapos na total wash out ang fishpond sang mga bangrus samtang P20 mil naman ang nangin halit sa tangkop sa ciudad sang Silay.
Sa kabilugan, nagadangat sa P4,140,790 ang nangin halit sa fishpond.
Samtang, nagdangat naman sa P11.55 million ang nangin halit sa humayan sa 19 ka mga barangay nagikan sa lima ka LGUs ukon nalakipan sang Sagay City, Cadiz City, Victorias City, Silay City kag EB Magalona.
Ini ang nabug-usan sang 669 hektariyas sang humayan kag 1,263 ka mga mangunguma.
Sa karon ginahulat pa sang OPA ang report sang halit para sa mga vegetables
