Ginkakibot sang mangunguma sa Taysan, Batangas sang ginbun-ag sang iya baka ang bata sini nga may duha ka ulo.
Suno kay Resting Ramos, masobra 50 ka tuig na siya naga-atipan sang baka.
Sa adlaw nga mabata na ang isa niya ka baka, dako ang iya katingala kun ngaa wala sa gihapon nagwa ang bata matapos ang pila ka oras.
Suno diri, nagtawag siya sa Department of Agriculture kag suno kay Agricultural Officer Tito Ortega, nakita sini ang iloy nga baka nga indi na makatindog kag nagapangluya na.
Nakita sini nga dako ang ulo sang bata nga baka kag nagdesisyon nga higtan kag hilahon pa gwa.
Ila ginkakibot nga duha ang ulo sang bata nga baka.
Apang, ginbaiwan sang kabuhi ang bata nga baka nga ila man gilayon ginlubong.
Samtang, mahibaluan nga tumalagsahon lang nga magbata ang baka sang masobra sa isa.
