Ginpahayag sang presidente sang federation of irrigators association in Central Negros – Bago River Irrigators system ukon FIACN- BRIS nga santo sa ila monitoring nagsaka ang presyo sang pagbaklanay sang traders sang humay.
Suno kay Pedro Limpangog, ang humay sadto ang ginabakal lamang sa P15 kada kilo apang sa karun ang yara na sa P18 per kilo.
Suno kay Limpangog magluwas nga nagsaka na ang presyo sa kada kilo sang humay nakita man sa ila nga monitoring nga nagnubo ang presyo sang bugas nga ginabaligya kada sako kun sa diin mahimo na ini mabakal sa P1,900 ukon P38.00 kada kilo.
Aminado si Limpangog nga nalipay sila sa pagsaka sang presyo sang humay kag pagnubo sang kilo sang bugas apang nasubuan man ang mga ini nga may mga mangunguma nga naapektuhan ang ani bangud sa naglabay nga Bagyo Tino.
Nagalaom ini nga sa madason nga mga sinemana mangin maayo na ang ani sang mga ini.
