Ginpahayag sang presidente sang Federation of Irrigators Association Central Negros – Bago River Irrigation System (FIACN-BRIS) nga nagapabilin sa P12 tubtob P14 ang baklanay sang kada kilo sang humay.
Suno kay Pedro Limpangog nga wala pa man nila mabatyagan ang epekto sang ginpatuman nga importation ban sa bugas.
Suno diri, kun baklon sang P17 kada kilo ang humay, mahimo nga makabawi-bawi ang mga mangunguma kag mas makabawi kun P20 kada kilo.
Dugang pa sini nga wala man nagabaligya sa National Food Administration (NFA) ang iban nga mga mangunguma bangud sa madugay nga bayranay tuga sang proseso sa funding.
Ini man ang rason kun ngaa mas ginpili sang mga mangunguma ang magbaligya sa mga traders apisar nga ginabakal sang manubo nga presyo ang ila humay.
