Wala naman sang may napatay sa mga biktima, suno sa DOH.
Sa Domingo pa ginalauman nga magabutyog ang baklanay sang palulpok sa banwa sang Hinigaran.
Sa interview sang Bombo Radyo Bacolod kay Navarro Baylon, presidente sang Hinigaran Firecracker Manufacturers, Dealers and Retailers Association, ginpahayag sini nga wala pa sang madamo nga nagabakal sang palupok bangud sa kapigaduhon.
Apang ginalantaw sini nga mangin madata ang pagpamakal sang firecrackers halin bwas tubtub sa bisperas sang pagsug-alaw sang bag-ong tuig bangud amo ini nga adlaw ang ginahulat sang mga bumalakal.
Gintuad man sini nga sila mismo ang nagabiyahe sang ila produkto bilang dealer bangud ang mga retailer ang ginadumilian nga magkuha sa manufactures kag dealers sang firecracker santo sa direktiba sang otoridad.
Ginpakigbahin man sini nga indi lamang sa isla sang Negros ang ginalab-utan sang firecrackers kundi nalakip diri ang isla sang Panay.
Agud nga makatransport suno kay Baylon, naga-arkila lamang sila sang pribado nga bangka agud madeliver sa tabok ang ila produkto kag naga-agi sa inspection sang Philippine Coast Guard agud masiguro nga may nagakadapat nga papeles sa pagbiyahe sang mga palupok.
