Masako na ang baklanay sang prutas apang indi gid man madako ang baklanay sa subong kun ikumpara sang nakaligad nga tuig.
Sa interview sang Bombo Radyo kay Randy Moreño, fruit vendor sa Libertad Public Market, sila nag-umpisa magbaligya sang Disyembre 15 kag ulihi nila nga adlaw amo sa Disyembre 31.
Suno diri, wala sang pagbag-o sa presyo sang ila baligya apang lauman nga sa Disyembre 31, magasaka ang presyo sini.
May yara sang mga sari-sari nga mga prutas nga ginabaligya kaangay sang mansanas, paho, saging, orange, ubas, bayabas, chico, kiwi, mangosteen, avocado, sandiya, melon, dragon fruit, pomelo, strawberry kag iban pa.
Samtang, kun last minute na lang nga pagbakal antes ang New Years Eve, posible naman nga ibaligya sa barato nga presyo ang mga prutas.
Sa interview sang Bombo Raydo kay JC Mainet, ang baklanay subong indi kaangay sang nakaligad nga mas dako ang ila ginansya.
May mga imported man ini nga mga ginabaligya kaangay na lang sang mansanas gikan sa Japan, Orange nga sunkissed gikan sa Australia, dragon fruit gikan sa Taiwan kag green nga grapes nga naggikan pa sa Estados Unidos.
Suno diri, posible nga magdagsa ang mga costumer sa Disyembre 31 samtang sila naman ang mapanubo sang presyo sa last minute nga pagbakal.
