Government sa mga pilian nga gamitan sang P100,000 cash grant sa Bawat Barangay Makikinabang (BBM) Program sang Office of the President.
Sa interview sang Bombo Radyo Bacolod sa Punong Barangay, ang ila cash grant ang gamiton nila sa pagbakal sang canopy kag monoblock chair.
Suno diri, may ara na sila sang canopy kag monoblock chairs apang ini ang magagmay.
Paathag sini nga nakapagkit mismo sa ginpagwa nga listahan sang DILG ang specification sa size kag materials nga gingamit sa baklon nga items.
Ini ang may documentation man nga tsekyaron sang DILG matapos ang procurement, gani indi nila mapeke.
Pahayag ni Tingson nga magabakal sila sang dugang nga canopy kag monoblock chairs bangod madamo sang ila nga constituents ang nagahulam partikular na kun may mga events ukon may haya sang patay.
Aminado man ini nga may mga tion nga nagadulungan ang mga aktibidad kag kulangon gihapon ang mga gamit, gani sila ang magapatuman sang reservation kag booking process.
Pinaagi sini mapasunod ang pagpahulam santo sa kun sin-o ang nauna nga nagrequest.
Panawagan niya sa mga constituents nga indi mangakig kun indi gilayon makahulam, bangod sila ang ginapasunod, kag nagapati ini nga basta nagasunod lamang sa proseso ang kada isa, magaabot man sa Barangay ang dugang nga bugay.
