Isa ka babayi ang gina-alegar nagpalupok gamit ang assault rifle sa puluy-an sang singer nga si Rihanna sa Los Angeles sang Dominggo, Marso 8.
Suno sa mga opisyal sang pungsod, ang suspek nga si Ivanna Lisette Ortiz ang nagamaneho sang puti nga Tesla kag naghunong sa pihak nga kalsada sa nasambit nga lugar kag nagpalupok sa mansyon ni Rihanna.
Ginpakita sa aerial footage matapos ang insidente ang mga igo sang bala sa gate nga gina-istaran ni Rihannna kaupod ang rapper nga si ASAP Rocky kag ang ila tatlo ka bata.
Ginpahayag sang Los Angeles Police Department nga si Ortiz ang gin-aresto sa isa ka shopping complex, tunga sang oras matapos ang insidente.
Suno kay Captain Mike Bland, ang gingamit nga armas ang isa ka AR-15-style rifle.
Ang suspek ang ginkasuhan sang attempted murder kag natalana nga magpiyansa sang 10.225 million dollars.
Wala pa sang may pahayag si Rihanna sa publiko tuhoy sa natabo nga insidente.
