Ginsulod sang kawatan ang balay sang TV host kag singer nga si Teddy Corpus.
Suno sa report, nakuha sang suspek ang mga gadgets kag iban nga butang nga nagabalor sang P90,000.
Sa kuha sang CCTV, nagsaka ang lalaki sa balkonahe sang unit ni Teddy kag nagsulod sa balay kun sa diin nag-agi sa bintana kag ginbuksan ang pwertahan.
Nagpabilin ini sang halos 30 minutos sa sulod sang balay sa pagpangita kag pagkuha sang mga butang kaangay sang kwarta, alahas, charger kag tablet. Apang kaina lang sang aga, nabalik na kay Teddy ang tablet.
Suno sa Quezon City Police District Station 14, nagakatulog si Teddy kag ang iya pamilya sa third flood sang natabo ang insidente.
Sa imbestigasyon, natukiban nga may daan man nga record sang pagpangawat ang suspek kag paglapas sa Republic Act 10591 ukon Comprehensive Firearms and Ammunition Regulation Act.
Padayon nga ginapangita ang suspek kag napasakaan na sang kaso.
