Padayon pa nga gina-imbestigaran sang Bureau of Fire Protection sang Pontevedra ang ginhalian sang kalayo nga nagtupok sa isa ka balay nga nahamtang sa Brgy. Buenavista Rizal , Pontevedra, Negros Occidental kahapon sang hapon.
Sa interview sang Bombo Radyo kay Fire Officer 3 Kent Francis Abad, arson investigator sang Pontevedra Fire Station, ang balay ang ginapanag-iyahan ni Arabella Guevarra, 59 anyos.
Ginpahayag sini nga may yara sang by stander nga nakakita sang nagatub-ok na ang kalayo nagikan sa nagakasunog nga balay.
Nagpangayo man ini sang bulig sa ila mga kasilingan kag nagtawag sa bombero.
Nagresponde man gilayon ang mga bombero apang natupok naman ang balay bangud himo ini sa light materials.
Suno kay Abad, wala na sang iban nga nadalahig sa sunog kag wala naman sang nasamaran.
