Balay sang pulis sa Bacolod, ginransak kag gintaban ang armas kag mga alahas

Ginransak ang balay kag ginkawatan sang armas kag mga alahas ang isa ka police personnel sa ciudad sang Bacolod.

Sa pahayag ni Bacolod City Police Office Director Police Col. Joeresty Coronica, padayun sa karun ang imbestigasyon sa pagtumod kun sin-o ang kawatan.

Wala man ginbuyagyag sang BCPO Director ang pangalan kag address sang nasambitan nga pulis.

Sa inisyal nga report, ang pulis ang nakuhaan sang short personal firearm kag mga alahas.

Una naman nga ginpinsar nga nadula ang isa ka PNP-issued basic assault rifle, apang ini ang nakit-an sa idalom sang lamesa.

Pahayag sang pulis nga naguba ang main door sang iya nga balay.