Ginatumod pa sang mga pulis kun sanday sin-o ang armado nga mga lalaki nga nagsulod sa balay sang punong barangay sang Barangay Tinongan, Isabela, Miyerkules sang gab-i.
Suno sa hepe sang Isabela Municipal Police Station nga si Police Major Ruben Pajarito, napulo tubtub 15 ka mga tawo ang nagsulod kag nagpang-ukay sa balay ni Punong Barangay Harley Sambrona samtang nagapangita sang armas luthang apang wala sang may nakuha nga armas ang mga suspetsado.
Suno kay Pajarito, ginabanta alas-6:00 sang gab-i sang Miyerkules sang ginsulod ang balay sang punong barangay apang natabu-an nga wala diri si Sambrona gani ginpamangkot sang mga ini ang asawa kun sa diin ang bana sini.
Diri ginpanugyanan sang mga suspetsado ang misis nga hambalan ang iya mister nga indi na magbalik sa ila puluy-an.
Padayon pa ang imbestigasyon kag indi pa kun mga miyembro sag New People’s Army ang armado nga mga lalaki.
