May-ara sang pagnubo sa power rate sa billing month sang Mayo sa area of coverage sang Negros Electric and Power Corporation (NEPC).
Sa interview sang Bombo Radyo Bacolod kay Engr Leomel Tambanillo, Assistant Vice President for Planning and Business Operation sang Negros Power, may over-all reduction nga P0.66 per kilowatt hour sa May billing.
Ini ang resulta sang P1.16 per kilowatt hour nga rate gikan sa Wholesale Electricity Spot Market (WESM) nga primary source sang kuryente kasubong man ang pagnubo sang P0.21 per kilowatt hour sa ginakuhaan sang emergency power supply sang Negros Power.
May pag-iban man nga P2.82 per kilowatt hour sa transmission charge kag P29.31 per kilowatt hour nga pagnubo sa ancillary services.
Sa May billing, ang rate sng residential ang yara sa P11.75 per kilowatt hour , samtang P11.59 per kilowatt hour sa commercial kag P10.70 per kilowatt hour sa high voltage customers.
Karun nga naga-amat amat na ang pag-ulan ulan, nga patimaan nga nagahilapit na ang rainy season, ginalauman na ni Tambanillo nga magapanaog pagid ang balayran sa kuryente.
Ini bangod malimitahan na ang paggamit sang electric fan kag airconditioning units, indi kaangay sa kasagsagan sang summer season.
