Sa karun maiwat pa ang bumalakal sang palupok sa tupad sang Pope John Paul II tower.
Sa interview sang Bombo Radyo Bacolod kay Analisa Deriada, firecracker vendor, gilayon man sila nga nagbukas sang stall matapos mabatun ang permit gikan sa ciudad sang Disyembre 18.
Apang aminado ini nga dyutay lamang ang nagabakal sa karun bangod man sa dugay-dugay nga pag-inulan kag hulungdon nga balaligyaan.
Suno diri, bag-o lang man nadeliver ang iban nila nga mga baligya nga gikan sa banwa sang Hinigaran kag sa Bulacan.
Sila ang may mga nakaset naman nga baligya nga mabakal sa balor nga P100 kaangay sang 5-star, triangulo, whistle bomb, candle bomb, pwitis kag iban pa.
Suno diri, wala man nagsaka ang ila nga presyo kun ipaanggid sang nakaligad nga tuig.
Ang pinakagamay naman nila nga fireworks ang nagabalor P600 samtang ang pinakamahal nga may-ara sang 16 shots ang nagabalor sang P2,900.
Nagalaom si Deriada nga amat-amat na nga magadamo ang magabakal sa tion nga mag-untat na ang mga pag-ulan ulan.
Sila ang nagabukas halin alas-6:00 sang aga tubtob alas-10:00 sang gab-i
