Ginapakigbahin na sang Commission on Elections sa publiko ang isa sa mga ballot face templates nga pagagamiton sa 2025 midterms elections.
Ang ini nga template ang magaserbi bilang basehan para sa final printed ballots.
Ang pangalan sang mga kandidato sa balota ang igaprint sa bold font agud ma-enhance ang visibility.
Ang desinyo ang magafeature man sang improved color schemes kag security marks agud masiguro ang integridad sang mga balota.
Gin-anunsyar sang Comelec nga nafinalize na ang 1,667 ka nagkalain-lain nga mga ballot templates kun sa diin natalana ang printing sang masobra 70 million ka mga balota subong nga Enero 6.
Suno kay Comelec spokesperson John Rex Laudiangco, pagkatapos ini matsekyar sang law department sa sulod sang isa ka adlaw, ini ang igabalik sa ITD group, iga-implementar, i-encode kag iserialize ang tanan.
Suno diri, may yara sang distinct kag specific serial number na ang kada balota.
Sarang nga malantaw sang mga kandidato kag mga botante ang ballot templates sa Comelec official website.
