Balo ni Negros Oriental Governor Roel Degamo, nagpaathag nga may ebidensya na ini sa kaangtanan sang Teves Brother nga sanday Congressman Arnie Teves kag former Governor Pryde Henry Teves sa Assassination

Indi luyag ni Pamplona Municipal Mayor Janice Degamo nga pangunahan ang imbitigasyon sa pagpatay sa bana sini nga si Negros Oriental Roel Degamo apang nagapati ini nga dako ang nangin papel sang mag- utod nga sanday Negros Oriental 3rd District Representative Arnolfo Teves kag Negros Oriental Former Governor Pryde Henry Teves.

Sa interview sang Bombo Radyo kay Mayor Janice Degamo, may ebidensya na ini sa kaangtanan sang Teves Brothers sa Degamo Assassination.

Wala naman sang dugang nga pahayag ang alkalde apang nagapadangat ini sang mensahe nga malapit na lang gid kag makilal-an na ang mastermind sa pagpatay kay late Negros Oriental Governor Roel Degamo.