Dako ang pasalamat sang 10 ka mapalaron nga magdaog sa ikatatlo nga Palengke on Ground Event sang Swerte sa Palengke 2024 sang Bombo Radyo kag Star FM nga ginpatigayon sa Bacolod Central Public Market.
Ang mga tagdaog ang nagbatun sang P1,000 cash kag P500 nga balor sang gift pack.
Suno kay Adelaida Angel, ang nadag-an nga cash ang gamiton sini bilang balon sa mga kabataan kag ang iban ang ibakal sang bugas kag sud-an.
Siya ang nagdaog pinaagi sa ginhulog nga proof of purchase sang surf power.
Samtang makadugang man sa pangbalon sa duha ka kabataan ni Nena Cabrito, sang Barangay Banago, Bacolod City ang pagdaog sini sa Palengke Draw pinaagi sa proof of purchase nga whitfield.
Dako gid ang pasalamat sini sa cash kag gift pack nga nabatun nga dako nga bulig sa ila pamilya partikular na sa pabalon sang iya Grade 4 kag Grade 6 nga kabataan.
School supplies sang mga apo naman ang kadtuan sang nadag-an nga cash ni Delia Soberano nga nagdaog pinaagi sa proof of purchase nga R. Florete Pawnshop and Jewelry coupon.
Dako ang pagpasalamat sini sa Bombo Radyo bangod siya ang isa sa nangin Palengke Draw winner, kag mabaklan na sini sang gamit sa eskwelahan ang iya apo nga naga-eskwela sa Negros Occidental National High School.
Dako man ang pagpasalamat ni Claudine Faith Benjamin sang Purok Sisi, Barangay Magsungay, Bacolod City.
Suno diri ang cash nga iya nadag-an ang igasto sini sa sulod sang balay, pabalon sa kabataan kag ibakal sang bugas kag sud-an.
Pangagda sini sa iban nga mag-entra man sa Swerte sa Palengke 2024 agud makadaog kaangay sa iya.
Mapalaron man nga nagdaog sa Palengke Draw sanday Janela Panel, pinaagi sa proof of purchase nga Revicon forte; Katherine Chua, nga nagdaog pinaagi sa proof of purchase nga Gardenia; Noe Pahilagao sang Barangay Mandalagan, Bacolod City nga nagdaog pinaagi sa proof of purchase nga Orocan; Roseline Dellomo sang Purok Malipayon, Rodriguez-Baybay, Barangay 35, Bacolod City kag Sheryl Mae Villapa sang banwa sang Murcia, Negros Occidental nga lunsay nagdaog pinaagi sa proof of purchase nga Surf Powder kag si Genel Dela Cruz nga nagdaog pinaagi sa proof of purchase nga R. Florete Pawnshop and Jewelry.
