-- ADVERTISEMENT --
Nakumpiskar ang balor P1.7 million nga suspected shabu gikan sa duha ka persona sa drug buybust operation nga ginpatigayon sa Purok Gonzaga, Barangay Taculing, Bacolod City alas-11:47 kagab-i.
Ang mga suspetsado ang ginkilala nga sanday Herliza Aguilar, 27 anyos, babayi, single, wala sang trabaho; kag Judy Libo-on, 30 anyos, lalaki, single, pintor, lunsay residente sang nasambitan nga lugar.
Narecover sa duha ang tatlo ka bugkos kag napulo ka sachet sang suspected shabu.
Ang suspected shabu ang nagabug-at sang 250 grams nga may standard drug price nga P1.7 million.
Ang duha ang lunsay mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
-- ADVERTISEMENT --
