Balor P1.7 million nga suspected shabu, narecover sa buybust operation sa Brgy Taculing, Bacolod City; mga suspect lunsay Silaynon

250 grams ukon kapin P1.7 million ang balor sang suspected shabu nga nakumpiskar sang Bacolod City Police Office – City Drug Enforcement Unit (BCPO-CDEU) sa duha ka mga persona sa buybust operation nga ginpatigayon sa Barangay Taculing, Bacolod City, pasado alas 9:00 kagab-i.

Ang mga suspetsado amu sanday Sean Paul Ancheta,19-anyos, vendor kag John Mark Ortinez, 24-anyos, wala sang trabaho lunsay mga residente sang Barangay Mambulac, Silay City.

Nakuha sa ila paghinakop ang tatlo ka nakabugkos ukon knot-tied plastic bag kag walo ka sachet sang suspected shabu kalakip na ang buybust item.

Ang duha ang yara na yara na sa kustodiya sang Bacolod Police Station 6.