Talalapod nga ipanagtag sa mga kiosko sa Bacolod City Public Plaza, Upper East kag Bacolod City Government Center ang food vouchers nga ginhatag ni Bacolod City Alfredo “Albee” Benitez nga nagabalor sang P2.5 million.
Nahibaluan nga ginpalawig sang alkalde ang mga kiosko tubtob Oktubre 31 nga nahamtang sa nasambit nga tatlo ka festival sites agud nga makabawi-bawi man ang mga ini.
Suno kay Councilor Al Victor Espino, Chairman sang Committee on Laws and Ordinances sa Sangguniang Panlungsod, ang important agenda sa ginpatigayon nga special session sang City Council amo ang pag-akomodar sang request sang alkalde.
Suno kay Espino, bangud sa request sang mga vendors sa Bacolod City Public Plaza, ginpakamaayo sang alkalde nga iextend ang inadlaw nga makabaligya pa ang mga ini nga makabawi man matapos nga pila man kaadlaw nga nangin mahina ang benta bangud man sa pag-inulan dala sang Bagyong Kristine.
Ginpahayag man ni Espino, nag-issue ang alkalde sang vouchers apang maclaim lamang ang vouchers sa tion nga magbakal sang baligya sa mga kiosko nga nahamtang sa Bacolod City Public Plaza, Upper East kag Bacolod City Government Center.
Suno diri, paagi sa pagrecover sang mga vouchers nga gin-issue sang alkalde mabuligan ang mga vendors.
Sa pihak nga bahin ginhatagan sang Sangguniang Panlungsod sang pahanugot nga magamit ang dalan sa public plaza agud nga makabaligya naman sang bulak ang mga vendors pila ka adlaw antes ang petsa minatay.
