Narecover ang balor P8.8 million nga illegal nga sigarilyo nga gintago sa likod sang delivery sang bombay sa Brgy 3, Isabela, Negros Occidental alas-2:15 kaina sang kaagahon.
Ini kasunod sang ginpatigayon nga buybust kag entrapment operation ukon Oplan Megashopper sang Criminal Investigation and Detection Group – Negros Occidental.
Naaresto ang tatlo ka persona nga ginalakipan nanday Alyas Rey, 32 anyos, residente sang Zamboanga Del Norte kag Alyas Gery, 46 anyos, residente sang Valenzuela City, lunsay driver sang wing van; kag Alyas Virgil, 32 anyos, laborer, residente sang Zamboanga Del Norte.
Narecover sa ila ang Isa ka master case sang New Berlin Red kag isa ka master case sang Modern Red nga sigarilyo, nga mga buybust item.
Kasubong man ang dugang nga 155 master cases sang New Berlin Red, kag 19 master cases sang Modern Red.
Ini ang nakita sa sulod sang Wing Van Truck, samtang ini ang ginatabunan sang 150 ka sako sang red onions.
Ang mga nadakpan ang mangatubang sang kaso sa paglapas sa Republic Act 10643 ukon Graphic Health Warnings Law.
