Balor sang halit sang El Nino sa Negros Occidental, nagadangat na sa P173 million

Nagdangat na sa kapin sa P173 million ang balor sang halit sa agrikultura sa probinsya sang Negros Occidental bangod sa tuman ka init nga tiyempo.

Santo sa report sang Office of the Provincial Agriculturist (OPA), sang Abril 12 nagdangat sa P173.5 million ang balor sang kahalitan sang El Nino.

P168.8 million diri ang balor sang halit sa humay samtang P4.7 million naman sa mais.

Pinakadako nga nahalitan sa bahin sang humay amo ang banwa sang Cauayan nga nagdangat sa P67.8 million samtang sa bahin naman sang kahalitan sa mais nagapanguna ang banwa sang Calatrava nga nagdangat sa P3.8 million.