Masobra tunga sa milyon ka pesos nga balor sang suspected shabu ang nakumpiskar sa drug buybust operation nga ginpatigayon sa Purok Sigay, Barangay 2, Bacolod City alas-11:18 kagab-i.
Ang subject ang ginkilala nga si Ronnie Tingson Alyas Tata, 35 anyos, single, wala sang trabaho kag residente sang Purok Villasor, Brgy. Handumanan, Bacolod City, apang temporaryo nga magapuyo sa Purok Sigay, Barangay 2.
Ang operasyon ang ginpatigayon sang City Drug Enforcement Unit sang Bacolod City Police Office.
Narecover sa suspect ang siyam ka sachet sang suspected shabu kalakip na ang buybust item.
Ini ang ginabanta nagabug-at sang 75 gramos kag may standard drug price nga P510,000.
Si Tingson ang mangatubang sang kaso sa paglapas sa Section 5 kag 11 sang Republic Act 9165 ukon Comprehensive Dangerous Drugs Act of 2002.
