Ginabanta kapin P1-million ang balor sang nangin halit sa nagluntad nga sunog sa isa ka ancestral house sa Miramar Subdivision, Barangay Zone 15, Talisay City kaina sang aga.
Sa interview sang Bombo Radyo Bacolod kay Senior Fire Officer 1 Jolan Villaruz, imbestigador sang Bureau of Fire Protection-Talisay City, totally-damaged gid ang amo nga ancestral house kun sa diin apat ang nagapuyo kag naulamid pa ang extension nga puluy-an kun sa diin mag-asawa nga senior citizens ang naga-istar.
Suno kay Villaruz, santo sa ila inisyal nga imbestigasyon, posible kuryente ang ginhalinan sang kalayo bangud nga nakit-an sang nagatinir sa amo nga balay nga si Claudette Samson nga may nag-spark sa kisame sa bahin sang ila nga dining area.
Suno naman kay Samson, wala ini sang ideya kun paano nagluntad ang sunog bangud nga yara ini sa iya nga tyangge sang natabo ang insidente.// Suno sa iya, madasig nga naglapta ang kalayo bangud nga daan na ang ila nga balay.
Wala naman ini sang may nasalbar nga gamit, dokumento ukon bayo apang nagapasalamat naman siya nga wala sang may napilasan sa ila nga magpamilya.
