Nagdangat sa P3,314,151 ang balor sang kasapatan nga nagkalamatay sa Negros Occidental, tuga sang mga pagbaha tinalikdan nga sinemana.
Sa report sang Provincial Veterinary Office nagdangat sa 402 ka mga household gikan 71 ka mga Barangays sa 15 ka banwa kag ciudad ang nahalitan sang ginpabaskog nga Hangin Habagat.
Dugang pa sang Provincial Veterenary Office nga nagapanguna ang banwa sang Isabela nga may ara sang P1,116,760 nga balor sang mga kasapatan nga nagkalamatay bangud sa pagbaha.
Nagapangaduha ang Valladolid may ara sang P691,435, Bago City nga may P394,264, samtang P280,616 sa La Carlota City, P237,604 sa Pulupandan, P151,102 sa Sipalay City, P138,422 sa San Enrique, P74,219 sa Salvador Benedicto, P60,411 sa Silay City, P56,642 sa Hinigaran, P50,739 sa Candoni, P36,914 sa Pontevedra, P18,185 sa Talisay City, P3,479 sa Victorias City kag P3,336 sa banwa sang Ilog.
Samtang may isa ka Poultry cage okon kurong sang manok naman nga naguba sa ciudad sang Silay nga ginabanta balor P20,000.
