Nagpanaug sa bag-o nga record low ang piso sang Pilipinas matapos nagsira sa P63.06 kontra dolyar sa pag-close sang trading sang Oktubre 15.
Sa intraday kahapon, nagsarurot pa ang balor sang piso sa P63.15 kada dolyar, nga naglapaw sa anay record low nga P62.90 sang Oktubre 8.
Ginalauman magresulta sa mataas nga gastos sa pag-import sang langis kag produktong petrolyo ang paghina sang piso.
Ini man ang mahimo magduso sa pagsaka sang inflation ukon presyo sang mga balaklon sa pungsod.
Magluwas diri, makaapekto man ang paghuyang sang piso sa national debt sang Pilipinas sa diin ang 3 percent sini ang gikan sa foreign creditors.
Apisar, maka-benepisyo ang mga pamilya sang mga overseas Filipino workers (OFWs) bangud sa mas mataas nga katumbas sang piso, sila ang maapektohan man gihapon bangud sa pagsaka sang presyo sang mga balaklon.
