Lauman ang dugang nga mga kaso nga iga-file batok kay Bamban, Tarlac Mayor Alice Guo.
Ini matapos ginpahayag ni Commission on Elections (Comelec) Chairman George Erwin Garcia ang ila plano nga magpasaka man sang kaso batok kay Guo bangud sa ginaalegar pagmisrepresent sang iya kaugalingon bilang isa ka Filipino citizen sang siya ang nagfile sang iya Certificate of Candidacy sang 2022.
Ang kaangay nga bayolasyon, suno kay Garcia, ang isa ka maathag nga bayolasyon sa Omnibus Election Code.
Suno kay Garcia, ang Comelec ang sarang nga mag-motu propio, magfile sang kaso kriminal ukon election offense paagi sa ila Law Department ilabi na kun may yara sang misrepresentation ukon pagbinutig sa Certificate of Candidacy.
Dugang pa sini nga ang certificate of candidacy ang ginafile sa idalum sang isa ka oath gani iga-exercise sang Comelec ang ila gahom ilabi na kun nabayolar ang Omnibus Electon Code.
