Ginkwestiyon ni Senator Sherwin Gatchalian kun ang matuod-tuod nga pangalan ni Bamban, Tarlac Mayor Alice Guo amu si Hua Ping Guo.
Sa isa ka malip-ot nga mensahe, ginpahayag ni Gatchalian nga nakuha niya ang ini nga impormasyon santo sa mga dokumento sang gobyerno.
Suno diri, si Alice Guo ang posible amu si Guo Hua Ping nga nagsulod sa Pilipinas sa Enero 12, 2003 sang siya ang 13-anyos kag ang matuod-tuod sini nga birthday amu ang Agosto 31, 1990.
Ini santo sa dokumento nga ginhatag sang Board of Investments nagikan sa application for Special Investors Resident Visa (SIRV) sang pamilya Guo kag sang Bureau of Immigration.
Ang registered nga iloy ni Guo Hua Ping sa idalum sang SIRV amu si Lin Wenyi.
Sa karun wala pa nakapagwa sang statement ang kampo ni Guo natuhoy sa sini nga pahayag sang Senador.
