Ban sa pork kag pork products nagikan sa Luzon, mahimo palawigon sang Neg Occ

Dako ang posibilidad nga mapalawig pa ang ban sa pagsulod sa Negros Occidental sang pork kag pork products nagikan sa Luzon sa diin may yara sang African Swine Fever.

Nahibalu-an nga sang bulan sang Setyembre nag-implementar ang provincial government sang 90 day ban sa entry sang pork kag pork products nagikan sa Luzon kag ini ang magatakop sa Disyembre 18.

Sa interview sang Bombo Radyo Bacolod kay Governor Eugenio Jose “Bong” Lacson, magapadayon ang kapitolyo sa pagkavigilante agud maproteksyunan ang local hog industry.

Sa karun, mas maayo suno sa gobernador nga ipatronize ang local products sa baylo nga mag-import.