Nag-file sang perjury complaint si Manases Carpio batok kay Former Senator Antonio Trillanes IV matapos nga gin-akusar ang anay senador nga naghimo sang sala nga mga statement sa idalom sang oath sa House hearing sang nagligad nga bulan may kaangtanan sa impeachment case batok kay Vice President Sara Duterte.
Gin-file ni Carpio ang complaint sa Pasig City Prosecutor’s Office.
Gina-alegar sini nga nagbutig si Trillanes sa iya testimoniya sa congressional inquiry sang Abril 22 nga nag-discuss sang bank accounts nga na-angot kay Carpio kag sa iya asawa nga si Vice President Sara Duterte, kag sa mga pahayag sini nga nakabaton ang pamilya Duterte sang minilyon halin sa isa ka drug personality.
Ginpanginwala ni Carpio ang mga akusasyon kag ginpahayag nga malisyoso ini kag kabahin sang black propaganda.
Indi man matuod, suno sa iya, ang dalagko nga bank accounts kag ginpahayag nga wala ini nakabaton ukon imbulbado sa kay sin-o man nga drug personalities.
