Isa ka bangkay nga yara na sa advanced state of decomposition ang nasapwan nga nakasulod sa sako sa isa ka tamburong sa Barangay Damsite, Murcia kaina sang aga.
Sa interview sang Bombo Radyo kay Punong Barangay Regie Burata sang Barangay Damsite, Murcia, isa ka mangingisda ang nakakita sang sako nga yara sa sulod sa tamburong.
Ini ang nagkadto sa barangay chairman kag sang ila ginpadulungan, ila ginpangita ang nagapanimaho sa sulod sang tamburong.
Sang ila ginkuha ang sako, nakit-an ang bangkay sang isa ka tawo.
Kumpleto naman ang bahin sang iya lawas.
Suno diri, wala man sang may namissing sa ila lugar gani posible nga indi ini ila residente kag ginbilin lamang ang sako sa lugar.
Nagapanawagan ini sa mga may namissing nga himata nga pwede makakadto sa ila agud iverify ang identity sini.
