Ginabanta sang Barangay Kagawad sa Barangay Vista Alegre, Bacolod City nga apat na kaadlaw nga nalubong ang bangkay sang wala makilal-an nga lalaki nga nasapwan sa Purok Inday Oya sa nasambit nga barangay.
Sa interview sang Bombo Radyo kay Barangay Kagawad Nestor Layson, apat ka mga persona ang nagpahalab sang karbaw mga alas 11:00 ang takna sang aga kahapon sang may natapakan ang mga ini nga mahumok nga bahin kag nagpanimaho.
Ginkutkot nila ini kag nakita nga tawo gin-untatat ang pagkutkot agud nga magreport sa Barangay.
Ginkadtuan man sang Barangay kaupod ang mga police ang lugar agud tsekyarun ang angot diri.
Nasapwan ang bangkay sang lalaki nga nakabaklid, wala sang bayo kag may tabon nga plastic ang ulo kag nalubong na.
Yara naman ini sa state of decomposition.
Nagpamangkot man si Layson sa palibot kun may nadula nga himata apang negative gani nagapanawagan ini sa mga residente sang kaingod nga barangay, banwa kag syudad sa probinsya sang Negros Occidental nga makig-angot lamang sa Barangay Vista Alegre bangud may nasapwan nga bangkay sang lalaki sa lugar.
Nahibaluan nga may yara man sang anklet nga beads sa till sang biktima nga nagapanaasun 5 feet.
Nagapanawagan naman ang kapulisan sa mga residente nga may himata nga nadula ukon wala nakapauli nga makig-angot sa ila.
