Wala sa gihapon makilal-an ang bangkay nga nasapwan sa kampo sang tubo sa Hacienda Bernabe, Brgy Salvacion, Murcia.
Sa interview sang Bombo Radyo Bacolod kay Police Captain Honey Labaro, hepe sang Murcia Municipal Police Station, ginrequest na nila nga mapaidalom sa autopsy ang bangkay, kag ginsecure naman ang mga data agud may mapresentar inkaso nga may pamilya nga magapangita.
Apang tubtob sa karun, wala pa sang pamilya nga nagdangop agud kilalahon ang bangkay.
Panawagan ni Labaro sa sin-o ma nga may missing nga himata nga magdangop sa ila agud makabulig sa pagtumod sang identity sang biktima.
Madumduman nga nasapwan kahapon ang bangkay nga hublas kag nakalubong ang lawas, apang may bahin nga nagagwa sa duta.
Ang bahin nga nalubong ang kumpleto pa, apang ang na-expose sa hangin ang nagaka-agnas na.
Suno sa imbalsamador, ang biktima ang may kataason nga 71 inches ukon 5-foot-7 kag ini ang isa ka lalaki.
