Bangkay nga nasapwan sa katubuhan sa banwa sang Pontevedra, wala pa sang identity

Wala pa sa gihapon sang identity ang nasapwan nga nagaka-agnas nga bangkay sang lalaki sa kakampuhan sa Hacienda Carmenchica, Barangay DSB sa banwa sang Pontevedra alas-10:35 kahapon sang aga.

Sa interview sang Bombo Radyo kay Romulo Gepilango, hepe sang Pontevedra Municipal Police Station, ginlubong na sa Pontevedra Public Cemetery ang biktima.

Nakita man nga sunog ang bangkay kag ini ang nagaka-agnas na.

Ginkuhaan naman ini sang DNA sang Scene of the Crime Operation (SOCO) kag sa luyag nga magpalapit para mag-identify, mahimo lamang nga magpadulong sa Pontevedra Municipal Police Station.